Guwahati-Shillong-Dhaka bus service ṭan hnai

Guwahati-Shillong-Dhaka bus service thla riat hma lam daiha hawn tawh chu tlan ṭan tir a la ni lo a, Transport Department te chuan thuneitu sang lam aṭangin thupek an nghak mek niin an sawi.

Bangladesh lam thuneitu te hian Bangladesh ramri, Dawki atanga an ram chhunga a tlan theihna tur permit an la pe chhuak lo a, State Transport Department chuan Union Ministry of External Affairs-ah security chungchang pawh Bangladesh sorkarin a la tihfel loh thu a thlen bawk.

Transport Department hotu pakhat chuan bus service har chhan sawiin, "Bus fare bithliah zat tur pawh ram pahnih te hian an la siam rem lo a, hei hian hna a ti muang bawk a ni," a ti. Assam leh Meghalaya sorkar chuan permit siam kawngah pawh an thawk ho dawn niin an sawi.

He bus service tur hi nikuma Prime Minister Narendra Modi leh West Bengal Chief Minister Mamata Banerjee te'n Bangladesh an tlawh aṭanga ṭan niin he hunah hian Modi leh Bangladesh PM Sheikh Hasina te'n Dhaka-Shillong-Guwahati leh Kolkata-Dhaka-Agartala bus service tur hi an hawng a, Kolkata-Dhaka-Agartala inkarah chuan bus hi tlantir tawh a ni.