Assam Rifle-in Manipur-a khaw pakhat a thlang

Assam Rifles chuan khawtlang hmasawnna atana a hnathawh kawng khat atan Manipur, Ukhrul district-a Loushing khua chu a enkawl zui atan a thlang.

Assam Rifles public relation officer (PRO) thuchhuak chuan he thu hi tarlangin, National Scheme, ‘Improvement of Rural India’ hnuaiah Assam Rifles DG thupek angin Loushing khua hi thlan a ni, a ti.

Loushing khuaah hian January 20 khan Assam Rifle chuan medical camp a buatsaih nghal a, damlo 60 chuang en an ni. Hei bakah hian 16th Assam Rifles commandent chuan solar light pathum leh tuizem (sintex) pakhat a pe nghal.

Assam Rifles hian Border Area Development Programme hnuaiah tun hnai khan Chandel district, Kholmunlen khuaah water supply scheme a lo kalpui tawh bawk.