TIPRA Motha-in nawrh huaihawt dawn

Tripura-a eptu party lian ber, TIPRA Motha chuan 'Greater Tipraland' leh tribal-te harsatna chinfel tura sorkar an phut mekna nawrna atan, September 30 hian darkar 12 awh nawrh huaihawt an tum.

Party founding chairman, Pradyot Kishore Manikya Debbarman chuan TTAADC area-ah nawrh hi an huaihawt dawn tih sawiin, sorkar laipuiin an ngaihven theih ngei tura aw chhuah an tum thu a sawi. Union Home Minsiter pawh an thil phut chungchangah vawi eng emaw zat a hmu tawh a, sorkar lam chuan ngaihven tak tak ni se appointment pawh an pek ngei tawh tur thu a sawi bawk.

Debbarman chuan an bandh huaihawt tur chu thlawp vek turin Tripura mipuite a ngen a, nawrh huaihawt mah se mipuite mamawh supply kawngah harsatna an dawn lo tih a sawi a ni.