Ram leilung fate tan lo chuan ram lei phal dawn lo : Assam CM

Assam sorkar chuan Batadrava Than leh a chhehvel ram chu a ram leilung fate tan lo chuan lei theih a nih loh tur thuan puang.

Chief minister Himanta Biswa Sarma chuan Pathianni khan he thu hi puangin,"Sorkar chuan Assam nena inzawmna thuk tak nei, Batadrava Than leh a chhehvel ram chu ram leilung fate tan loa lei phal lohna tur dan siam kan tum a ni," a ti.

CM hian Nagaon district commissioner chu ram leilung fate lo chu ram leitir lo turin a hriattir tawh a, hemi kenkawhna tur dan hi nakkum February-a state assembly neih a nih hunah pharh a nih tur thu a sawi bawk. CM chuan,"He lai hmunah hian kum 100 tal lo khawsa tawhte chauhin ram lei leh hralh an ti thei ang," tiin a sawi.

Batadrava Than hi Assam Nagaon district-a awm niin, kum zabi 16-na laia Neo-Vaishnavite mithianghlim Srimanta Sankardeva pianna hmun a ni.