Nagaland police-te pheikhawk dawn chhui chiang dawn

Nagaland police-te pheikhawk bun tur, hunting boot supply chu ṭha tawk lo hle nia sawi a nih avangin sorkarin a chhui chiang dawn.

Social media lamah Nagland police-te pheikhawk dawn lanna video a darh nasa hle a, hei hi thuneitute lam chuan bawhzuiin, deputy chief minister leh home ministry changtu ni bawk, Y Patoon chuan state police hotu Rupin Sharma hnenah thil awm dan chhui chiang a, a ṭul anga action la turin a hriattir.

Video darhah hian Nagaland polcie pakhat chuan hunting boot an dawn chu kut lawng pawhin a pawh chhiat theih tih a sawi a, hetiang pheikhawk quality chhe tak bun chung hian an duty reng a ngaih thu a sawi. Pheikhawk chung lam chu a pangngai viau laiin a hnuai lam erawh a chhe awl hle tih a sawi a ni.