Assam CM-in Vellore-a Assam Bhawan hawng

Assam chief minister Himanta Biswa Sarma chuan nimin khan Vellore, Tamil Nadu-a Assam Bhawan sak thar a hawng.

Chief Minister chuan Kolkata leh New Delhi-a Assam Bhawan-te chu chei ṭhat an ni dawn tih a sawi a, Karnataka-a Bengaluru-ah Assam Bhawan sak a ni dawn tih a sawi bawk. Kumin April thla khan CM hian Dwarka, New Delhi-a Assam House thar sakna tur lungphum a lo phum tawh bawk a ni.

Vellore-a Assam Bhawan hi Rs vbc 23 senga sak a ni a, double-bed room 40, VIP/VVIP suit pahnih, khum pasarih awmna female dormitory, khum panga awmna male domitory pathum, khum pali awmna room pali bakah 2BHK apartment bakah Joint Resident Commissioner office-te a awm.