Hmarchhak bialin Republic Day vawi 67-na a lâwm

Republic Day vawi 67-na chu Thawhlehni khan hmar­chhak state pumah lawm a ni a, helpawl hrang hrangin boycott mah se harsatna lian tham a thleng lo.

Assam

Assam-a lawmna pui ber, Guwahati-ah chuan Chief Minister Tarun Gogi-a'n hnam puanzar pawt pharhin, thuchah a sawi nghal.

Gogoi chuan India zalenna sual a, ram tana nun hlantute chawimawina leh hriatreng nan state sorkarin Freedom Fighter Memorial din a tum thu a sawi.

Assam mi, British lak aṭanga India zalenna atana sualtute pension chu kumin hian cheng 20,000-ah tihpun a nih tur thu a sawi a, Chief Minister hna a chelh ṭan kum, 2011 khan freedom fighter pension chu Rs 1500 chauh a ni, a ti.

Gogoi chuan a kaihhruai sorkarin firfiaka chetna chu na taka a dolet ṭhin thu sawiin, helpawl 13 chu remna zawngin inbiakna dawhkan a hruai thlen tawh thu a sawi bawk. ULFA helte nena inbiakna an neih mek chu a hmawr an bawk theih thuai a beisei thu a sawiin, Paresh Baruah-a kaihhruai, ULFA (I) helte pawh tharum thawh bansana remna zawng turin a ngen nghal.

Assam sorkar hmasawnna tarlangin Gogoi chuan Assam-a college zawng zawngah zirlaite tan Wi-Fi network pekchhuah a nih tur thu a puang.

Chief Minister Gogoi chuan BJP kaihhruai, sorkar laipui chu sawisel zui nghal, sorkar laipuiin special category state status a tihtawp chu nasa takin an tawrhphah tih a sawi a, central flagship programme an kalpui mekah sorkar laipuiin fund a pek ṭhinte a tihtlemsak avangin hmasawnna project te'n an tawrhphah a ni, a ti.

Manipur

Manipur-ah pawh helpawl te'n Republic Day hi boycott mah se 1st Manipur Rifles khel­mualah a lawmna muanawm taka neih a ni a, Chief Minister Ibobi Singh chuan hnam puanzar pawt pharhin, thuchah a sawi nghal.

Ibobi chuan mipuite chu state hmasawnna tura ṭangrual tura ngenin, helpawlte pawh tharum thawh bansan a, remna zawng turin a ngen.

Manipur leh Meghalaya Governor, V Shanmuganathan chuan Republic Day puala state mipuite hnena thuchah a sawiah Manipur chuan kum kalta chhungin kawng hrang hrangah nasa takin hma a sawn tih a sawi a, sorkar laipui Act East policy chu Manipur-in hlawkpui dawn a ni, a ti.

Tripura

Tripura-a Republic Day lawmna lian ber, Agartala-a Assam Rifle khelmualah state Governor Tathagata Roy chuan hnam puanzar pawt pharhin thuchah a sawi.

Roy chuan Tripura chu hmar­chhak state zinga kum 2015 chhunga National Food Security Act kalpui thei awm chhun a ni, a ti a, Tripura chu state hmasawn leh changtlung tak a nih theih nan mipuite chu thil tum neia hna thawk turin a ngen.

Food Security Act hnuaiah Tripura-a mi nuai 25.02 chuan buhfai man tlawma an dawn thu sawiin, buhfai chu kg-ah Rs 2 zela pek an ni, a ti.

Kum hnih kalta chhung khan Tripura chu hmarchhak state zinga MGNREGA hnuaia ni 88 chuang inhlawhna siam thei awmchhun a ni, a ti.

Tripura chu India rama ziak leh chhiar tamna ber state a ni tih sawiin Governor chuan za zela 96.82-in ziak leh chhiar an thiam tih a sawi a, state chhunga school 4,818-ah zirlai naupang nuai riat chuang an awm tih a sawi bawk.

Meghalaya

Meghalaya leh Manipur Governor, V. Shanmuganathan chuan Shillong-a Polo Ground-ah Republic Day thuchah sawiin, tharum thawh bansana remna zawnga inbiak duh helte tan sorkar a inhawn thu a sawi a, sorkar chuan helna hluar chhan chu a bulṭhut aṭanga chhui chiana chinfel a tum a ni, a ti.

"Sorkar laka helna leh firfiaka chetna chu state chhung mai ni loin ram pawnah a darh tawh a, hei vang hian a dolet kawngah state leh sorkar laipui chu mumal zawka an thawhdun a ngai a ni," a ti.

Garo Hills-a helte chet dan chu a ngaih mawh thu sawiin, state chhunga buaina chu security force te'n awmze nei zawka an beihlet thu a sawi a, state police leh central paramilitary force ṭangrual te pawhin helte hi man tumin theihtawp an chhuah mek a ni, a ti.

December 18, 2015-a United A'Ahik Liberation Army (UALA) helte leh sorkarin remna thuthlung an lo ziah tawh chungchangah hel bangte chhawm­dawlna tur chu sorkarin a ngaihtuah mek a ni, a ti.

Governor Shanmuganathan chuan Meghalaya leh Assam ramri thubuai chu chinfel nan level hrang hranga inbiakna neih mek a ni, tih a sawi bawk.

Nagaland

Nagaland secretariat plaza-a Republic Day lawmnaah Go­vernor P.B. Acharya chuan thu­chah sawiin, remna leh muanna chu state hmasawnna atana thil pawimawh ber a ni, a ti.

Nikum August 3-a NSCN (I-M) leh sorkar laipuiin remna thuthlung ruangam an ziah chu Naga mipuite tana thil chhinchhiah tlak a ni, tiin remna thuthlung tluantling ziah a nih theih nan mipuite chu sorkar hmalakna thlawp turin a ngen.

Governor chuan NSCN (K) helte chu tharum thawh bansana, remna zawnga inbiakna neih mek zawm turin a ngen a, NSCN (K) helte'n remna zawnga inbiakna an neih hun chu mipuiin nghakhlel takin an thlir reng a ni, a ti.

Governor Acharya chuan agriculture sector-a Nagaland hmasawnna tarlangin agriculture kaltlanga state thil tharchhuah chu kum khat chhungin 6%-a a pun thu a sawi a, kum 2015-16 chhungin buh hectare khata kg 2,270 zel tharin, metric ton nuai 6.8 tharchhuah a beisei thu a sawi.

State chhunga helicopter-a inkalpawhna chungchangah Acharya chuan Doyang, Kiphire, Mokokchung, Pughoboto, Tizit, Tuensang leh Tuli-ah helipad siam mek a ni, a ti.

Republic Day vawi 67-na chu Thawhlehni khan hmar­chhak state pumah lawm a ni a, helpawl hrang hrangin boycott mah se harsatna lian tham a thleng lo.

Assam

Assam-a lawmna pui ber, Guwahati-ah chuan Chief Minister Tarun Gogi-a'n hnam puanzar pawt pharhin, thuchah a sawi nghal.

Gogoi chuan India zalenna sual a, ram tana nun hlantute chawimawina leh hriatreng nan state sorkarin Freedom Fighter Memorial din a tum thu a sawi.

Assam mi, British lak aṭanga India zalenna atana sualtute pension chu kumin hian cheng 20,000-ah tihpun a nih tur thu a sawi a, Chief Minister hna a chelh ṭan kum, 2011 khan freedom fighter pension chu Rs 1500 chauh a ni, a ti.

Gogoi chuan a kaihhruai sorkarin firfiaka chetna chu na taka a dolet ṭhin thu sawiin, helpawl 13 chu remna zawngin inbiakna dawhkan a hruai thlen tawh thu a sawi bawk. ULFA helte nena inbiakna an neih mek chu a hmawr an bawk theih thuai a beisei thu a sawiin, Paresh Baruah-a kaihhruai, ULFA (I) helte pawh tharum thawh bansana remna zawng turin a ngen nghal.

Assam sorkar hmasawnna tarlangin Gogoi chuan Assam-a college zawng zawngah zirlaite tan Wi-Fi network pekchhuah a nih tur thu a puang.

Chief Minister Gogoi chuan BJP kaihhruai, sorkar laipui chu sawisel zui nghal, sorkar laipuiin special category state status a tihtawp chu nasa takin an tawrhphah tih a sawi a, central flagship programme an kalpui mekah sorkar laipuiin fund a pek ṭhinte a tihtlemsak avangin hmasawnna project te'n an tawrhphah a ni, a ti.

Manipur

Manipur-ah pawh helpawl te'n Republic Day hi boycott mah se 1st Manipur Rifles khel­mualah a lawmna muanawm taka neih a ni a, Chief Minister Ibobi Singh chuan hnam puanzar pawt pharhin, thuchah a sawi nghal.

Ibobi chuan mipuite chu state hmasawnna tura ṭangrual tura ngenin, helpawlte pawh tharum thawh bansan a, remna zawng turin a ngen.

Manipur leh Meghalaya Governor, V Shanmuganathan chuan Republic Day puala state mipuite hnena thuchah a sawiah Manipur chuan kum kalta chhungin kawng hrang hrangah nasa takin hma a sawn tih a sawi a, sorkar laipui Act East policy chu Manipur-in hlawkpui dawn a ni, a ti.

Tripura

Tripura-a Republic Day lawmna lian ber, Agartala-a Assam Rifle khelmualah state Governor Tathagata Roy chuan hnam puanzar pawt pharhin thuchah a sawi.

Roy chuan Tripura chu hmar­chhak state zinga kum 2015 chhunga National Food Security Act kalpui thei awm chhun a ni, a ti a, Tripura chu state hmasawn leh changtlung tak a nih theih nan mipuite chu thil tum neia hna thawk turin a ngen.

Food Security Act hnuaiah Tripura-a mi nuai 25.02 chuan buhfai man tlawma an dawn thu sawiin, buhfai chu kg-ah Rs 2 zela pek an ni, a ti.

Kum hnih kalta chhung khan Tripura chu hmarchhak state zinga MGNREGA hnuaia ni 88 chuang inhlawhna siam thei awmchhun a ni, a ti.

Tripura chu India rama ziak leh chhiar tamna ber state a ni tih sawiin Governor chuan za zela 96.82-in ziak leh chhiar an thiam tih a sawi a, state chhunga school 4,818-ah zirlai naupang nuai riat chuang an awm tih a sawi bawk.

Meghalaya

Meghalaya leh Manipur Governor, V. Shanmuganathan chuan Shillong-a Polo Ground-ah Republic Day thuchah sawiin, tharum thawh bansana remna zawnga inbiak duh helte tan sorkar a inhawn thu a sawi a, sorkar chuan helna hluar chhan chu a bulṭhut aṭanga chhui chiana chinfel a tum a ni, a ti.

"Sorkar laka helna leh firfiaka chetna chu state chhung mai ni loin ram pawnah a darh tawh a, hei vang hian a dolet kawngah state leh sorkar laipui chu mumal zawka an thawhdun a ngai a ni," a ti.

Garo Hills-a helte chet dan chu a ngaih mawh thu sawiin, state chhunga buaina chu security force te'n awmze nei zawka an beihlet thu a sawi a, state police leh central paramilitary force ṭangrual te pawhin helte hi man tumin theihtawp an chhuah mek a ni, a ti.

December 18, 2015-a United A'Ahik Liberation Army (UALA) helte leh sorkarin remna thuthlung an lo ziah tawh chungchangah hel bangte chhawm­dawlna tur chu sorkarin a ngaihtuah mek a ni, a ti.

Governor Shanmuganathan chuan Meghalaya leh Assam ramri thubuai chu chinfel nan level hrang hranga inbiakna neih mek a ni, tih a sawi bawk.

Nagaland

Nagaland secretariat plaza-a Republic Day lawmnaah Go­vernor P.B. Acharya chuan thu­chah sawiin, remna leh muanna chu state hmasawnna atana thil pawimawh ber a ni, a ti.

Nikum August 3-a NSCN (I-M) leh sorkar laipuiin remna thuthlung ruangam an ziah chu Naga mipuite tana thil chhinchhiah tlak a ni, tiin remna thuthlung tluantling ziah a nih theih nan mipuite chu sorkar hmalakna thlawp turin a ngen.

Governor chuan NSCN (K) helte chu tharum thawh bansana, remna zawnga inbiakna neih mek zawm turin a ngen a, NSCN (K) helte'n remna zawnga inbiakna an neih hun chu mipuiin nghakhlel takin an thlir reng a ni, a ti.

Governor Acharya chuan agriculture sector-a Nagaland hmasawnna tarlangin agriculture kaltlanga state thil tharchhuah chu kum khat chhungin 6%-a a pun thu a sawi a, kum 2015-16 chhungin buh hectare khata kg 2,270 zel tharin, metric ton nuai 6.8 tharchhuah a beisei thu a sawi.

State chhunga helicopter-a inkalpawhna chungchangah Acharya chuan Doyang, Kiphire, Mokokchung, Pughoboto, Tizit, Tuensang leh Tuli-ah helipad siam mek a ni, a ti.