Tripura CS-in hnathawh chhunzawm turin ngen

Tripura Chief Sec-retary, Yaspal Singh chuan Tripura-Assam inkalpawhna, National Highway siam hna thawh mek chu chhunzawm tura sorkar laipui leh Assam sorkar nawr turin state sorkar a ngen.

Assam leh Tripura inkalpawhna kawngpui siamṭhat mek hi tun hnai khan chawlhsan a ni a, hei hian lirtheia veivahna lamah harsatna nasa tak a thlen phah a ni.

State Chief Engineer, Sunil Bhowmik chuan Chief Secretary, Yaspal Singh hian Ministry of Surface Transport and Highways secretary hnena lehkha a thawn tawh thu sawiin, National Highway siamṭhat mek chhunzawm tura Assam sorkar nawr turin a ngen a ni, a ti.

Ministry of Surface Transport and High-ways secretary chuan a chhanletnaah hnathawk-tu contractor te inhmuh-thiam loh avanga hna chawlhsan rih an ni tih tarlangin, a chinfelna zawn mek a ni, a ti.

Bhowmik chuan kawngpui siamṭhat hna chu ni sarih emaw ni riat hnua an chhunzawm theih a beisei thu a sawi.