GNLA-in NE hel ṭangrual pawl a zawm

Garo National Liberation Army (GNLA) helpawl chuan hmarchhak biala helpawl

ṭangrual, United National Liberation Front of Western South East Asia (UNLFW) coordination committee a zawm.

Hmarchhak hel ṭangrual pawl- United National Liberation Front of Western South East Asia hi Nationalist Socialist Council of Nagaland (NSCN-K) hotu, SS Khaplang-a kaihhruai a ni a, Assam helpawl United Liberation Front of Asom (ULFA-Independent) pawh a tel bakah Manipur-a helpawl paruk ṭangrual- Coordination Committee (CorConm) pawhin a tlawp a ni.

Ṭangrual pawlte hian India leh Myan-mar ramri aṭanga Myanmar ram lamah hmunpui an nei nia hriat a ni.

Garo mite tana state hran sualtu, GNLA helte'n Nagaland leh Assam tana India aṭanga zalenna sualtu, NSCN (K) leh ULFA (I) helte an zawm ta hi security agency te chuan mak an tih thu tarlangin, hemi chungchang hi hriatchhuah an tum dawn a ni.

GNLA publicity secretary, Gantong Marak chuan Thawhṭannia thuchhuah a siamah helpawl ṭangrual, UNLFW hi an zawm thu a tarlang a, tun hnaia an pawl hotu, Sohan D Shira kaihhruaia meeting an neiah hmarchhak hel ṭangrual pawl hi zawm an remtih thu a tarlang.