Rijiju-a'n Kiphire-a IRBn hmunpui a hawng

Union Minister of State for Home Affairs, Kiren Rijiju chuan Thawhṭanni khan Kiphire, Okhe Zong-a Nagaland Police hnuaia 14th Indian Reserved (IR) batallion hmunpui a hawng.

Rijiju hian Kiphire khua hi helicopter-a thlengin 14th NAP(IR) headquarters hi a hawn zawh hnuah con-ference hall-a a lawmna hun buatsaih pawh tel loin Delhi a pan leh nghal.

MoS Home, Officer on Special Duty (OSD), Anupam Yadav chuan Kiren Rijiju chu khaw ṭha lo avangin Kiphire a thlen tlai thu a sawi a, helicopter thlawhchhuah theih hun tawpah Kiphire helipad-a an ṭum theih chauh avangin Delhi-a Republic Day lawmna chhim hman turin Rijiju hi a let leh nghal a ngai a ni, a ti.

Rijiju hian conference hall-a amah lawmna hun a hmang thei lo chu pawi a tih thu sawiin, hun remchangah Nagaland tlawh leh a tum thu a sawi.

14th NAP(IR) headquar-ters hawnna inkhawmah state Power Minister, C. Kipili Sang-tam chuan thu sawiin, 14th NAP (IR) Battalion hmun-pui dinna atana Kiphire mipuiin phal taka an ram an pek chu lawmawm a tih thu a sawi.

Sangtam chuan Kiphire chu Naga hman hrang hrang chenna hmun a ni tih sawiin, hnam tinte chu lungrual taka an chenho a pawimawh thu a sawi a, district hmasawn an nih theih nan tum inang nei turin mipuite a ngen nghal.

IR batallion headquarters dinna project atan hian Chief Minister kaihhruai, State level Programme Implementation committee (SLPIC) chuan cheng vaibel-chhe 219.39 a ruahman a, kum 2009 khan project hi khawih ṭan a ni.