Smart city list-a tel lo Tripura a lungawi lo

Sorkar laipuiin Smart City Mission a kal-puina atana khawpui 20 a thlanchhuah zingah Agartala a tel loh avangin Tripura sorkar chuan a lungawi loh thu a tarlang.

State Urban Deve-lop--ment Minister, Manik Dey chuan Union Minis-ter Venkiah Naidu hnena lehkha a thawnah sorkar laipuiin smart city list a tlangzarh ta chu lawmawm a tih thu sawiin, mahse Agartala a tel loh avanga an lungawi loh thu a tarlang.

"Vanduaithlak takin Tripura chu smart city list-a telh a ni lo a, sorkar lai-puiin Agartala min ngaih-thahzia a lang chiang hle a, hei hi kan dodal tlat a ni," tiin Dey chuan a lehkha thawnah a tarlang.

"Smart city-a thlan a nih theih nan state sorkar chuan theihtawp chhuahin hma a la a, Union Ministry-in guide-line a siamte pawh kan zawm thlap a ni. Mahse smart city list buaipuitu, official ṭhenkhatin Agartala hi an lo paih a ni ang," a ti.

Tripura Minister Dey chuan Agartala chu smart city list-a telh turin Union Minister Naidu a ngen nghal.