Hnam tlem zawkte hmasawnnaah Assam sorkar chak tawk lo: Heptulla

Union Minister for Minority Affairs, Najma Heptulla chuan Assam sorkar chu hnam tlem zawk (minority) te hma-sawnnaah hma la chak tawk loa puhin a ministry hnuaia programme leh scheme kalpui ṭha loah a puh.

Heptulla chuan he thu hi kar kal ta Inrinni khan Guwahati-a chanchinbu mite hmaah a sawi a, state sorkar chuan hnam tlem zawkte a ngaih pawi-mawh thu chu a thu chauhin a sawi a, a takin engmah a ti lo a ni, a ti.

Project kalpuinaah state sorkar chuan com-ple-tion report (CR) leh utilization certificate (UC) a thehluh ṭhat loh thu sawiin Heptulla chuan Chief Minister hnen-ah pawh lehkha a thawn thu a tarlang.

"State sorkar chuan nasa taka kan nawr hnuah chauh proposal a rawn thehlut a, hemi hnu, kar kal ta khan Minority Affairs ministry chuan cheng vaibelchhe 128 a pe a ni," tiin Union Minister Heptulla chuan a sawi.

Hetihlai hian Assam chief minister Tarun Gogoi chuan Union Minis-ter Heptulla hi chhangletin, a thusawi chu thu dik lo a nih thu leh politics-a inbeihna a nih thu a sawi.

"State sorkar chuan kum 15 chhungin mitin hmasawn nan hna a thawk a, kawng tin renga an hmasawn nan theih--tawp chhuahin kan bei a ni. Sorkar laipui chuan minority te a ngai pawimawh viau a nih chuan eng vangin Assam-a tuilian tuar, minority te
ṭanpuina a pek loh?" a ti.

Gogoi chuan nikuma Assam-in tuilian avanga harsatna a tawh laiin Prime Minister emaw Union Minister te'n a hmuna an harsatna hmuh pui turin Assam an tlawh loh thu a sawi bawk.

"Central-a NDA sor-kar chuan minority te a ngaih pawimawh viau chuan eng vangin nge sorkar laipuiin Assam leh hmarchhak state dangte Special Category Status a tihtawpsak? Fund tam zawk min pe se hmasawnna hna chu kan thawk dawn a ni," tiin Gogoi chuan a sawi bawk.

Union Minister Hep-tulla-in minority te hma-sawnna atana hna thawk
ṭha loa a puhna chu Chief Minister Gogoi chuan awle mittui titla ang chauh a ni a ti a, state sor-kar chuan state mipui zawng zawng hmasawn nan thliar bik nei loin hna a thawk a ni, a ti.