Manipur-ah kawngpui dang dawn

Tribal zirlai pawl pahnih- Kuki Students’ Organisation (KSO) leh All Naga Students’ Association Manipur (ANSAM) chuan zanin zan lai aṭangin Manipur luhna kawngpui dan chah an tum thu an tarlang.

Kawngpui an dan chah tur hi Dimapur, Nagaland aṭanga Manipur, Moreh luhna kawngpui, National Highway 2 leh Assam aṭanga Manipur Jiribam luhna kawngpui, National Highway 37 a ni a, Mizoram aṭanga Jessami, Manipur luhna kawngpui, National Highway 150 pawh dan chah a ni bawk ang.

KSO leh ANSAM chuan contract-a zirtirtute hna thawk mekte tihngheh an phut thu tarlangin, an thil phut chu state sorkarin a bawhzui lo a nih chuan na zawka sorkar nawr an tum thu an tarlang.

Kawngpui dan chah chhung hian bungraw phur, truck leh motor liante chu kaltlang phal a ni lo ang.