Silchar-ah rel thar tlantir dawn

Northeast Frontier Railway (NFR) chuan vawiin aṭangin Silchar-Guwahati-Sealdah inkarah rel thar, Kanchanjungha Express a tlantir dawn.

NFR Public Relations Officer, PJ Sarma chuan he thu hi sawiin, Kanchan­jungha Express rel hi Silchar aṭangin Thawh-
ṭanni, Nilaini leh Zirtawpni­ah zing dar 9.45 aṭangin a chhuah tur thu leh a tuk tlai lam dar 7.25-ah Sealdah a thlen tur thu a sawi.

Sealdah aṭangin Thawh­ṭanni, Nilaini leh Inrin­niah zing lam dar 6.30-ah a chhuah tur thu leh a tuk tlai lam dar 4.30-ah Silchar a thlen tur thu a sawi bawk.

Sarma chuan relah hian AC-2 tier pakhat, AC-3 tier pali, Sleeper Class paruk, general chair car pali, General Second Class coach pahnih leh guard van pahnih a awm tur thu a sawi bawk a, Sealdah leh Silchar inkar rel chuan man AC-2 tier-ah cheng 2165, AC-3 tier-ah cheng 1480, sleeper class-ah cheng 550 leh General Chair Class-ah cheng 325 lak a nih tur thu a sawi bawk.