Manipur BJP-te'n JP Nadda lehkha thawn

BJP Manipur unit chuan BJP national president, JP Nadda hnenah lehkha thawnin, Manipur mipuite chu hnam pahnih inkara buaina chhuak tireh tura state sorkar hmalakna tlem lutuk chu an duh khawp loh thu an hrilh.

Lehkha thawnah hian state unit president, Sharda Devi leh vice president, Ch Chidananda Singh bakah midang parukte chuan an hming ziah hnanin, sorkarin buaina a hmachhawn dana duh khawp lohna a lian tawh hle a ni, an ti. Buaina avanga chenna in nei lote tana chenna tur ngaihtuahsak vat chu hna hmasaa an neih a ṭul thu an sawi bawk.

"Manipur sorkar hi state chhunga remna leh muanna awm theihna atan chhun zan zawmin hna a thawk tih kan hria, kan party ngei pawhin hmasawnna nei turin tha kan thawh ve bawk," tiin, "Hetih lai hian mipuite harsatna tawh hi a nasa tawh em a, National Highway-a motor tlan leh theihte pawh an duh tawh a ni," an ti. State BJP-te chuan in leh lo chante tan compensation pek te, thihna tawk chhungte hnena ralna sum pek te, buaina siam zawnga chetna reng reng firfiaka chetnaah ruata man theihna siam tur tein BJP President chu an phut thu an sawi bawk.