Sikkim-a sorkar school-ah Yoga zirtir vek dawn

India ram chhunga a pathum-na ni turin Sikkim chuan sorkar enkawl school-ah yoga zirtirna kalpui ngei ngei an tum. Sikkim Human Resources Development department-a Director chuan session thar, February 10, 2016 aṭangin Sikkim hian sorkar enkawl school zawng zawngah yoga class an ṭan dawn tih a sawi.

Sikkim-ah hian sorkar enkawl 562 a awm mek a, zirtirtu 600 vel chu Haridwar-a Patanjali Yog Peeth ah December thla khan training tir an ni tawh. Session kallai mek hi tunkar Zirtawpni hian a tawp tawh dawn a ni.

"Session tharah hian yoga class a tel vek tawh dawn a ni. Tih ngei ngei tur a nih avangin school hrang hrangte hian dan ṭha takin an swm tur a ni. Hriattirna pawh chhuah a ni thuai ang" tiin director of the state HRD department, Jitender Singh Raje chuan a sawi. Sikkim chu school-a yoga zirtirna kalpui ngei ngei tura hma la hmasa ber an nih thu a sawi.