Shillong Airport siam hna thawk ṭan

Shillong-a thlawh-theihna ṭumhmun, Umroi hmuna siam mek chu a hungna leh a panna kawng siam hna March thlaah zawh hman beisei a ni.

Airports Authority of India regional office-a GM (Engineering) Sreekumar chuan harsatna te chinfel a ni tawh a, a siam hna thawh chu tluang taka kalpui a nih thu a sawi.

Thlawhtheihna tlan kawng zauh chungchang zawhna chhangin, Sreeku-mar chuan North Eastern Council-in sum a pekchhuah theih hunah siam a ni ang, a ti.

Sreekumar chuan AAI hian thlawhtheihna tlan kawng zauh a nih hma ngeiin instrument landing system (ILS) bun chungchang pawh an ngaihtuah a ṭul a, petrol thunna tur ram pawh an hauhfel vek a ni, a ti. Thlawhtheihna tlan kawng hi zauh a nih hma chuan thlawhtheihna lian chi tan
ṭumna chi a ni lo tih a sawi bawk.

Shillong thlawhtheihna ṭumhmun hi a hawnna rei tawh hle mah se Shillong leh Kolkata inkar service chauh a dawl a ni.