Nagaland-ah Aam Admi Party Youth Wing din thar

Aam Aadmi Party (AAP) chuan an huang zauh zelin, Nagaland-ah ṭhalai pawl an din thar.

AAP National Executive Commi-ttee member leh Observer of North Eastern States ni bawk Habung Payeng hriatpuina in Dimapur-ah kar kalta Inrinni khan Youth Wing hi din a ni.

Habung Payeng chuan an pawl tum ber chu, eiruk awm lohna ram din a nih thu a sawi.

AAP ṭhalai pawl thuvawn chu " Eirukna tello, eirukna a zung chawpa phoro, Nagaland din thar" a ni. Payeng chuan Nagaland chungchang sawi langin, AAP chu Nagaland inrelbawlnaah hmatawnga ṭang tur an nih thu a sawi a, sorkarna chelh mekte chu eirukna in a tihmelhem hle a ni, a ti. Nagaland hian AAP kalphung leh innghahna hi an pawm a beisei tih a sawi bawk.

AAP Nagaland Youth Wing presi-dent atana ruat thar Imti Jamir pawhin thu sawiin, an state chhunga eirukna hnawlbona hun ṭha a tawng mek tih a sawi.

AAP Nagaland Youth Wing hruai-tu dangte chu:- vice president-ah Peto Swu, thupuangtuah Imlinochet, Amongla Jamir ,general secretary-Viccato S.Aye, Trijungliba Sangtam, Zato Awomi, Michael A.Sangtam, leh joint secretary-ah Sambea Jeevan Rai leh Kihikali Y. Yeptho an ni.