AP : Kumin December-ah Sela Tunnel siam zo dawn

Arunachal Pradesh, Tawang hmuna Sela Tunnel siam mek chu ngawrh taka thawh chhunzawm zel a ni a, kumin December thlaah siam zawha hawn hman tum a ni.

He tunnel pawimawh tak kaltlangin Tawang hian all-weather connectivity a nei ve thei dawn a ni. Tunnel siam hna thawk mektu, Border Roads Organisation (BRO) chuan hna hi 96% vel thawh zawh a ni tawh tih an sawi. Pavement leh exit/escape-te la siam mek a ni. Kum 2019-a siam ṭan a ni a, kum 2022 February thlaa zawh tura ruahman ni mah se, khaw chhia leh harsatna dangte avangin hna thawh a bahlah fo a, hei vang hian zawh hun tura tih pawh pawhsei a ni leh a ni.

Sela Pass hnuai, meter 4,200-ah tunnel siam a ni a, Sela Pass hi thlasik laia vur sur avang leh, leimin avangtein khar a ngai fo a ni. Tunnel hi peih fel a nih hunah chuan kum tluanin China ramri depa awm, Tawang leh hmun dangte chu kalpawh theih an ni ang. Ramria duty sipaite tan pawh a ṭangkai dawn hle.

Tunnel-ah hian hnathawhna atana pawimawh motor-te chu tlan tir an ni tawh a, mahse, motor dang tlan erawh phal a la ni lo thung. Tunnel sei zawng hi km 12 a tling.