Truck driver-ten Nagaland ramri kawng dan an titawp

Truck driver pawl panga-in nawrh huaihawt a, Nagaland ramria kawngpuite ni li chhung an dan hnuah Zirtawpni liam ta zan aṭang khan nawrh an titawp. 

September 29 aṭang khan an himna tur ngaihtuah sak tur leh, September 22-a misualten truck driver pakhat an kahhlum tak chhungte hnena zangnadawmna pe tura phutin tiam chin awm loin nawrh an huaihawt a, Dimapur pawhtu kawngpuite an dang a ni. 

Ni li nawrh an huaihawt  hnuah Nagaland sorkarin driver kahhlum tak chhungte hnena zangnadawmna pek a tiam avang leh, an thil phut dang pawh ngaihtuahsak an nih tur thu Dimapur Deputy Commissioner Rajesh Soundararajan-a'n ziaka a tiam avangin nawrh hi an titawp ta a ni.