Tripura-ah party pathum inchhunfin

Tripura Congress hotu hlui leh Tripura lal thlah, Pradyot Manikya Deb Barman chuan Inrinni khan a party din, The Indigenous Progressive Regional Alliance (TIPRA) leh an state-a party upa ber zinga mi, Indigenous Nationalist Party of Twipra (INPT) leh Tripura Peoples' Front (TPF) nen an inchhunfin tih a sawi. 

Inrinni khan party pathum aiawhte hian Shillong-ah meeting neiin, an party-te inchhunfin a, Tripura-a regional poltical party thar dinna tur hi tifel a ni.

Party pathum hruaitute chuan meeting zawh hnuah joint press release siam nghalin, NRC, CAA chungchang an buaipui zui nghal dawn tih sawiin,  hei bakah hian voter list aṭanga illegal voter-te paih an nih theih dan tur te buaipuiin,  ADC (Autonomous District Council) hnena thuneihna sang zawk pek a nih theih dan tur te, ADC tana direct funding pek a nih theih nan an thawk dawn tih an sawi. 

Thawhhona ṭha tak a awmna turin coordination committee pawh din thuai a ni ang, an ti.