Silchar aṭangin Kanchanjunga Express tlan ṭan

Thawhṭanni aṭang khan Silchar-Sealdah Kanchanjunga Express chu tlan ṭantir a ni a, hei hian Assam chhim lam mipuite leh Tripura mite mamawh a phuhru dawn a ni.

North Frontier Railway thupuangtu Jyoti Sharma chuan he rel hi kartin vawi thum Guwa-hati paltlangin a kal ṭhin dawn tih a sawi. Rel tlan ṭan tir ni hmasaberah hian Silchar aṭangin rel pindan pindan 19 a thui chuan zinkawng a zawh ṭan a ni.

Kanchanjunga Express hi station 34 ah a ding ṭhin dawn a; Guwahati, New Bongaigaon, New Coochbehar, New Jalpaiguri, Malda Town, Bolpur Shantiniketan leh New Alipurduar-ah te a ding ṭhin ang. Darkar 32 chhungin km 1,345 a thui a thleng hman dawn a ni. Tripura khawpui

Agartala leh Guwahati hi rel kawng lian chi, km 600 a thuiin a pawh tawh a ni.