Nagaland-a Biosafety Level-3 lab hman theiha peih a ni ta

Nagaland chief minister Neiphiu Rio chuan Ningani khan Naga Hospital Authority Kohima (NHAK)-a Biosafety Level-3 labo­ratory chu hman theih turin a hawng. 

CM chuan BSL-3 Lab hi Covid-19 test-na atan chauh ni lo, viral disease dang zirchianna leh test-na atan a hman theih dawn tih a sawi. Laboratory hi hman theih a nih tak avangin Nagaland hian Covid-19 test tura state ṭhenawma sample thawn ngai tawh loin, an state ngeiah an test thei dawn ta a ni. 

NHAK bakah Dima­pur-a Christian Institute of Health Sciences and Research (CIHSR) ah pawh BSL-2 lab siam mek a ni bawk a, peihfel a la ni lo deuh a ni. 

Rio chuan state chhunga sample test-na an neih loh avanga an ṭhenawm, Assam leh Manipur-ten an lo puih ṭhinnaah lawmthu a sawi nghal  bawk. 

Nagaland health minister S Pangnyu Phom chuan BLS-3 lab siam­na atan hian cheng vaibelchhe 11.55 sen a nih thu leh, ni 32 chhunga peihfel a nih thu a sawi.