NSCN(K) nen Inkahhai neih thuai duh

Nagaland Chief Minister, T.R. Zeliang chuan state sorkarin NSCN (K) helpawl leh sorkar laipuiten inkahhai thuthlung an ziah thuai theih an beisei tih a sawi.

NSCN (K) leh Myan-mar sorkarin inkahhai thuthlung an ziah tawh avangin, sorkar laipui nen inkahhai an neih thuai theih a beisei awm niin CM chuan a sawi.

CM chuan helna avanga mi tam takin nunna an chan chu a tuar thu leh, NSCN(K) chu tharum thawhna bansan a, inbiakna dawhkan an kil thuai a duh tih a sawi bawk.

"Khawvelah hian inthahna in buaina a chinfel thu hi khawiah mah ziah a ni lo a, NSCN(K) ten inkahhai an duh anih phawt chuan dan pawna sorkar laipuiin a dah chu hlih a nih theih nan a pui hrehlo", a ti. India Prime Minister pawh buaina chingfel tura inbiak a inpeih reng tih sawiin, "Naga te hian lawm takin kan chhanglet dawn lawm ni?", a ti.

Naga-te chu buaina chinfel kawngah lungrual taka thawkho tur leh inlungruallohna thlen thei siam lo tura ngenin; hun rei tak silai hmachhuan a ni. Hei hian Naga-te tan hmasawnna kawng a dal fo a, Naga buaina chingfel tur chuan silai dah a hun tawh a ni a ti.

"Buaina kan chinfel hma poh leh muanna nghet kan nei hma ang. Mahse, kan pawhsei zel chuan silai hmachhuan pawl thar an ding zel anga buaina a punlun ang" a ti.