NDA sorkarin mipui hamṭhatna hna titawp vek: Iboibi Singh

Manipur Chief Minister O Ibobi Singh chuan Prime Minister Narendra Modi kaihhruai NDA sorkar chu mipui leh retheite ham-
ṭhatna tur ruahmanna UPA sor-karin a duante titawp vekah a puh.

Mahatma Gandhi National Rural Employment Guarantee Act (MGNREGA) kalpuina kum 10 tlin lawmna Imphal Congress Bhavan-a neihah he thu hi sawiin, BPL te chawikanna tur scheme chu Congress UPA sorkar khan a duang vek a ni, a ti.

MGNREGS, National Rural Health Mission (NRHM), National Food Security Act (NFSA), Right to Education (RTE) te chu Congress sorkar khan mipui chawikan nan leh hmasawnnan a duang a, mahse heng hi NDA sorkar kum khatna aṭangin tihtawp a ni deuh vek niin Manipur CM chuan a sawi.

MGNREGA, kum khata ni 100 inhlawhna tur ruahmanna pawh sorkar laipuiin sum a pekchhuah ṭhat loh vangin a buai hle nia sawiin, Singh chuan Manipur-ah hian MGNREGA hnuaiah job card nei nuai 5.26 an awm mek thu a sawi.

Ibobi chuan Look East Policy pawh a hming Act East Policy-a thlak bak bawhzuina nei loah BJP sorkar chu a puh bawk.