Sikkim chhuntu tur rel kawng sial thuai dawn

Kum 2009 aṭanga ruahmanna awm tawh, Sevoke (West Bengal) aṭanga Rangpo (Sikkim) chhuntu tur rel kawng siam tum wildlife activists leh environmentalists ten an dodal vanga kalpui hleih theih loh chu Nilaini khan Supreme Court chuan chhunzawm phalna a pe.

Sivok-Rangpo New Rail Line Project hi km 44.98 chauha thui a ni a, 7.6% chauh China ramri hnaih Himalayan tlang dungah a kal dawn a; hei hi helai biala cheng mipuite chawikanna tur atan a pawimawh hle.

Chief Justice TS Thakur chuan Northeast Frontier Railway hnenah Mahananda wildlife sanctuary bial ram 8.84 hectares kaltlangin chhunzawm theih a ni ang, a ti. West Bengal sorkar hnenah kawng zawn hna thla hnih chhunga tithar vek turin a hriattir.

Sikkim Chief Minister Pawan Chamling chuan rel kawng hi inkal­pawhna rintlak tak leh ram himna atan a pawimawh hle a ni a ti.

SC chuan National wildlife board dan siam zawmin thing leh mau, nungchate himna lam ngai pawimawh chunga hmala turin Railway thuneitute a chah bawk.

Rel kawng sial huna thing tihchhiat a tam loh nan leiverh 14 awm tura ruahman niin, he leiverh hi leiverh thui ber metre 5,116 a thui ni tura beisei a ni. Leiverh 14 te sei zawng belhkhawm chu km 38.552 zet a ni ang. Hei hian rel kawng sei zawng tur aṭanga 85.86% zet a awh dawn a ni. Hemi awmzia chu rel hian leiverh emaw lei 22 zet paltlang a ngai dawn a ni.

Wildlife board-in an duh dan chuan leiverh hi chhun en lai chauha siam tur a ni a,rel hi speed mumal tak, ram sa tana hlauhawm lo in a tlan tur a ni.

SC hian Sikkim tana rel kawng pawimawh zia hi a tarlang a; Sikkim hi national highway 10 chauha kal pawh theih a ni. Kham chhengchhia a tam vangin furah leimin a tam a, kawng a ping fo. Hei vang hian railways hotute chuan court hnenah hian Sikkim in fur laia chakkhai lakluh an harsat dan an tarlang bawk.

Relkawng sial tur nghahhlelhawm leh hnamro thil ni tur siam nan hi Cheng Vbc 1,339.48 zet dah hran a ni. Ramngaw awm ṭhatna bial Kurseong, Darjeeling, Kalimpong leh East Sikkim bakah Mahananda sanctuary a paltlang dawn a ni.

Sai leh nungcha humhalh ngai bikte chu rel in sahuanah suan luh an ni tawh nghe nghe.