Khasi Hills Autonomous District Council-in black day hmang

Khasi Hills Autonomous District Council (KHADC) member leh an hnuaia thawkte chuan tunhnaia Me-ghalaya cabinet-in a pawm tak, Meghalaya Services (Conduct) Rules siamṭhat tum duhlohna lantirn, an kawrah puandum an tar.

KHADC CEM P.N. Syiem chuan People’s Democratic Forum (PDF) in Black Flag Day an puanchhan chu dan hi siamṭhat a nih chuan tunhmaa zirna inte a tihbuai dawn vang a nih thu a sawi.

Cabinet-in Rules siam-
ṭhat tura a pawm dan chu a ran lutuk bakah mipui rilru tina thei a ni tih sawiin, Syiem chuan hna thawh dan kalhmang chu khawi pawlah pawh a fel vek a ni, a ti.

Tunhnai khan High Court chuan Meghalaya sorkar hnenah tunhma aṭanga tualchhung roreltute thuneih-na pek belh theihna dan duang turin thupek a tichhuak. Hei hi an duh loh thu Syiem chuan sawiin, Indian Constitution-in Sixth Schedule hnuai thuneihna a pek angin District Council thuneihna zawk a ni a ti. Lungawilohna hi CEM leh Deputy CEM chauhin an zawm a, midang chu an tello thung.