2026-ah Assam-ah lei 1,000 siam a ni ang : CM Sarma

Assam chief minister Himanta Biswa Sarma chuan kum 2026-ah an state-ah lei, 1,000 tal siam hman tum a ni tih a sawi.

Chief Minister hian nimin khan Tamulpur leh Baksa district inkalpawhna tur lei dawh a hawnnaah he thu hi a sawi a ni.

Tamulpur-Baksa RCC bridge hi cheng vaibelchhe 30 senga siam a ni a, he lei hmang hian district pahnih inkara zinkawnga hun sen chu a hma aiin 50% velin a tlem phah thei dawn tih CM chuan a sawi. Tamulpur leh Msuhalpur inkar hi km 74 vel a ni a, mahse, lei dawh hnuah chuan km 37 velin a tawi thei dawn a ni. Lei dawh thar hi a bul vela thingtlang khaw 12 chuanga cheng, mi 25,000-te tan a ṭangkai dawn hle tih CM chuan a sawi bawk.