Meghalaya-a Anganwadi 1,266 tihchangtlunna tur pawm

Meghalaya social welfare minister, Paul Lyngdoh chuan Meghalaya-a Anganwadi Centre 1,266 te chu mini centre aṭanga main centre-ah hman a nih tawh tur thu sawiin, heng anganwadi-te tihchangtlunna tur chu kalpui mek a nih thu a puang. Minister chuan heng Anganwadi-te tan hian hmeichhe supervisor 51 ruat an nih tur thu a sawi bawk.

Lyngdoh hian Anganwadi-te tihchangtlunna turin heng hmuna thawktute lawmman thla tina an pek ṭhin, Rs. 3,500 chu Rs. 4,500- ah tihsan a ni dawn niin a sawi a, helper anga thawkte hlawh pawh Rs. 2,250-ah tihsan a ni tawh dawn niin a sawi. Heng bakah hian uniform, damdawi leh hmanrua bakah bungrua te leh anganwadi enkawlna senso pawh sorkar chuan changtlung zawk tura pek leh puih an nih tur thu a sawi.

Anganwadi-te tihchangtlunna tur atan hian Rs nuai 826.38 ruahman a ni a, heng aṭanga nuai Rs 743.74 hi central sorkar tum tur a ni dawn a ni. "Anganwadi tihchangtlunna tur atan ruahmanna siam ṭhenkhatte hi state sorkarin a buaipui dawn a, Anganwadi tam zawkah hian thawktu pakhat chauh an awm a, supervisor leh helper ruat belh an ni tur hian Anganwadi dinhmun a chawikang nasa dawn em em a ni," a ti. Central sorkar hian Anganwadi thar 266 sakna tur pawh a pawm tawh a, heng centre-te hian thawktu 266 leh helper 266 lakna tur a keng tel thei dawn a ni.

Sorkar laipui dan ding laiah chuan Anganwadi-a an thil sem ṭhinte hi ni 300 chhung atana pek chhuah a ni a, centre zawng zawngte ṭha taka kalpui a nih theihna tur atan hian state sorkar chuan thawktu rawih leh training-tir bakah, bungrua leh hmanrua lak khawmte chu a tihtur a ni.