Israel aṭangin Meghalaya mi 27 la chhuak

Palestian pawl, Hamas-te'n Israel an beih avanga indo chhuak mek karah Meghalaya mi leh sa, sakhaw thila Jerusalem-a kal, tangkhangte chu him taka lak chhuah an ni a, Egypt ramah an awm tawh niin chief minister Conrad Sangma chuan a sawi.

Meghalaya Chief Minister hian an state mi Israel-a indona avanga tangkhangte chu la chhuak tura pui turin Ministry of External Affairs (MEA) hnenah a thlen a ni.

Mi 27 te hi hmun thianghlim tlawha Jerusalem kal an ni a, Israel leh Palestine-a Hamas te inkara inbeihna chhuak avangin an tangkhang ta a ni. CM Sangma chuan MEA leh Indian mission hmalakna a zarah mi 27 te hian him dam taka Egypt an thlen tawh thu sawiin, MEA hmalakna chu fakawm a tih thu a sawi bawk. Meghalaya mi 27 Israel-a tangkhang zingah hian Meghalaya aṭanga Rajya Sabha MP, Dr. WR Kharluki leh a nupui leh fanu pawh an tel a ni.