Guwahati-a tui lian chungchangah TMC-in Assam sorkar dem

Assam Trinamool Congress chuan tun hnaia ruah sur nasa avanga Guwahati khawpuia tui tling nasa leh tuilian thleng chungchanga Assam-a BJP kaihhruai sorkar chu an dem thu an sawi. Guwahati khawpuiin tuilian a tuar ṭhin ven leh danna tura fund awmte dik lo taka hmangah an puh.

Tun hnaia ruah sur nasa avangin Guwahati khawpui hmun tam takah tui a tling nasain, mipuite'n harsatna an tawh phah a ni.

Assam Trinamool Congress media chairman Dilip Sharma chuan, "State sorkarin fund a hman dik tawk loh avangin Guwahati khawpuia chengte chuan harsatna tawkin, tuilian an tawrh phah leh a ni. Hetianga harsatna thlenna chhan hi drainage system an tihfel leh tihfai tawk loh vang a ni, " a ti. Kum tam tak mihring siam tuilian avang hian Guwahati chuan harsatna a tawh fo thu sawiin, sorkar chuan he harsatna hi chin fel tiam fo mah se, tun thlengin an buaina hi a la ngai reng tih Sharma chuan a sawi. Tui tling leh tui lianin khawpui chhunga harsatna a thlenah Guwahati Municipal Corporation (GMC) leh Guwahati Metropolitan Development Authority (GMDA) chu hma la chak tawk loah a puh bawk.