Assam-ah Ayush hospital 6 siam tum : Sonowal

Union minister for ports, shipping & watery leh ayush, Sarbananda Sonowal chuan sorkar laipuiin Assam-ah Ayush hospital thar paruk siam a tum tih a sawi.

Ayust hospital siam thar tur zingah hian Karliabor, Morigaon, Kokrajhar leh Baksa-ah khum 50 awmna siamin, Diphu-ah khum 30 awmna leh, Bajali-ah khum 10 awmna hospital hi siam a ni ang. Heng bakah hian state chhunga Ayush health and wellness centre 289 siam a ni dawn a, Ayush dispensary pawh 100 siam belhin, district zawng zawngah dah a ni dawn tih Sonowal chuan a sawi bawk.

Union Minister hian Majuli district-a khum 50 awmna, Ayurvedic hospital a hawnnaah he thu hi a sawi a ni. He hospital-ah hian specialised OPS service siamin, modern laboratory, infertility clinic, geriatric leh skin and cosmestic clinic-te pawh dah tel a ni bawk. Sonowal chuan, Majuli chu healthcare hub ni thei dinhmunah a ding a ni tiin, he ayurvedic hospital hmang hian tualchhung mite enkawlin, prime minister Narendra Modi-a hmathlir, 'Swastha Bharat' tihhlawhtlinna kawngah a pui thei dawn a ni, a ti.