Manipur-ah Cosmos Flower Festival hmang

Cosmos Flower Festival vawi hnihna chu Ukhrul district-a Paorei khuaah hman ṭan a ni a, Ukhrul DFO, Shangam Shaliwo chuan Cosmos Flower Festival hi a hawng a ni.

Festival hi ni nga awh tur niin, Paorei khuaa khualzin hipna atan leh tourism ṭhanna atana buatsaih a ni. Guest of honour, Addl. SP, Ringthing Hongchui chuan Paorei khuain cosmos (hnahsin) pangpar an humhalh ṭha leh a puala festival hial an buatsaih thei chu lawmawm a tih thu a sawi a, pangpar leh mihring inkara khuarel inzawmna thuk tak awm chu haider theih a nih loh thu a sawi bawk.

DFO Shangam pawhin thu sawiin, "Cosmos parte chuan tih bik nei loin an par hunah an par mai a, hetiang chiah hian mihringte pawhin ram leh khawtlang tan kan par hi chhuah ve ang u," tiin festival hmangtute chu a sawm.

Cosmos te hi favang, a bikin October vela par ṭhin an ni a, helai hmuna a hming chu Hordrawon tih niin, rawng senno, a eng, leh bawkbawn rawng dal lamte'n an par ṭhin a ni. Heng pangparte hi an par chhung a rei lo a, ni 10 te an par ṭhin a ni. Paorei-ah hian hetiang pangpar hi a tam avangin a par hunlai hian festival an buatsaih a, festival neih a nih chhung hian tlawhtute chuan flower exhibition bakah kut themthiam thilte entir a ni dawn bawk.