Meghalaya-in Agniveer ṭang turte training pe dawn

East Khasi Hills District Office of Deputy Commisioner chuan East Khasi Hills District ṭhalai, Indian Armed Forces-a Agniveer-a luh tumte tan pre-recruitment training an buatsaih tur thu a sawi.

DC chuan medical screening leh physical paltlangte chu thla khat chhung coaching pek an nih tur thu a sawi a, hei hi Indian Armed Force thuchhuaha Common Entrance Examination neih tur atana buatsaihna a ni, a ti. A duh apiang tan pre-recruitment training hi zawm theih a ni dawn a, in-register lawk erawh a ngai dawn a ni. In-register-na hi Google form hmanga tihtheih a nih thu DC thuchhuahah chuan an tarlang bawk. Pre-recruitment training atana tling tur hian East Khasi Hills District chhunga awm nghet an ni tur a ni a, kum 17 leh kum 21 inkar an ni bawk tur a ni.

Indian Armed Forces-te hian heng; Technical, Cler/Store Keeper, GD, Tradesman/ House keeper/ Mess keeper tur an lak tur thu an chhuah a, Military Police corp-a mi tur hmeichhia lak an ni dawn bawk.