Nagaland school-in fee atan plastic bottle la

Nagaland-a mi retheite tana school din, Akshar Foundation chuan school fee atan plastic bottle hman tawh hnu a la ṭhin. Kartinin school naupangte hian plastic bottle 25 an thehlut ṭhin a ni.

He school hi kum 2016-a Parmita Sharma leh Mazin Mukhtar-ten an din a ni. Leilung tichhe thei bawlhhlawh tam lutuk thenfaina leh, ziak leh chhiar thiam lo tam tak awmte zirtirna atan school din hi an ngaihtuah chhuak a ni. Hemi atan hian school hi dinin, he hmunah hian zirlaite chu sum chawi loin lehkha an zirtir a, mahse bottle an chhar khawmte chu fee tan an thehluh a ngai thung. Heng plastic bottle an thehluhte hi thil dang siamchhuahna atan an hmang a, zirlai upa zawkte chuan a naupang zawkte an zirtir chhawng bawk.

School-ah hian zirlai pangngai an zir bakah, plastic recycling, carpentry, gardening leh thil dangte an zirtir tel a, zirlai zingah zir zawm peih lo, drop out an awm ngai lo.

Sharma leh Mukhtar te hmalakna hian ngaihven leh ngaihsan pawh a hlawh hle. Nagaland minister, Temjen Imna Along pawhin a social media-ah he school video hi a rawn share a ni.