NGT-in Sikkim sorkar, NHPC leh Sikkim Ujra Ltd. hriattirna pe

National Green Tribunal (NGT) Principal Bench chuan tun hnaia Chungthang Hydro Dam chhiat chungchangah, Sikkim sorkar, National Hydroelectric Power Corporation (NHPC) leh Sikkim Ujra Limited hnenah hriattirna pein, insawifiah turin a ti.

NGT hian October 4-a East Mojo-a news article, ‘Sikkim: Here’s why the Chungthang Hydro Dam breach is a big deal‘ tihchhuah behchhanin hriattirna hi a pe a ni. October 20 hian Faridkot House, Copernicus Marg, New Delhi office-ah hearing neih a ni ang. He hunah hian hriattirna an pekte hi report leh insawifiahna pe turin tih an ni a, an inlan lo a nih chuan an tel loin an chungthu hi ngaihtuah a ni ang.