NSCN-IM in remna palai hna thawktu Nagaland Govenor thlak an phut

Sorkar laipui leh Naga helpawl, National Socialist Council of Nagaland-Isak Muivah (NSCN-IM) ten inremna siam tuma inbiakna an neih meka sorkar laipuiin palai hna thawk tura a ruat, Nagaland Governor RN Ravi chu thlak an phut tih NSCN-IM chuan an sawi. 

NSCN-IM information wing chuan thuchhuah siamin, inremna siamna turah RN Ravi chuan harsatna a siam niin an sawi. Ravi-an Naga-te a beih let reng avangin inremna siam tuma hmalak mekna pawhin hma a sawn thei lo a ni, an ti. Ravi hian June thlaa chief minister Neiphiu Rio hnena lehkha a thawnah, NSCN-IM hi 'armed gang' leh 'underground group' tiin a sawi a, hei hi helpawl lam hian an duh lo hle. 

Hetih lai hian Ravi hi kar leh lama NSCN-IM hruaitute nena inbe leh turin Delhi a pan tawh a ni.