Manipur-ah hri kai 4,000 dawn awm tawh
Manipur-ah hri kai hmuh belh zel an ni a, Thawhlehnia hri kai hmuh thar mi 99 nen, an state puma Covid-19 kai hmuh chhuah tawh hi mi 3,941 an awm tawh a ni.
Hri kai thar zingah hian Central Armed Police Forces (CAPF) 13 an tel a, mi 73 chu state danga zin chhuahna nei lo an ni. Hemi ni vek hian hri kai enkawl zinga mi 33 chu an dam tawh avangin enkawlna hmun aṭangin chhuah tir an ni a, security force mi leh sa 20 an tel.
Manipur recovery rate hi 54.68% a ni. Hri kai enkawl dam mi 2,155 an awm tawh a, enkawl mek 1,774 an la awm. Mi 12 in he hripui hi an thihpui tawh a ni.