Pak High Commissioner-in Gogoi hmu

Pakistan High Co-mmissioner to India Abdul Basit chuan Inrinni tlai khan Assam Chief Minister Tarun Gogoi chu a chenna hmun, Kha-napara ah hmuin South Asian Games an thlen chungchang an sawidun.

Basit hian Pakistan tlawh turin Assam CM chu a sawm nghal a, Gogoi chuan a thuphungin a pawm. Basit chuan India leh Pakistan chu inngeih taka awm tur an nih thu a sawi.

Pakistan High Commi-ssioner chuan 12th South Asian Games thlengtu Assam inbuat-saihna fakin, dan leh thupek kenkawh dan pawh a fel hle nia a hriat thu a sawi. CM Gogoi chuan ram pahnihte inlaichinna chu infiamna, hnam ziarang lantir thei leh rimawi lantir hmanga intlawhtawnna siam hmangin tihchak theih a ni tiin, thawhhona leh inrintawnna hi ram pahnihten an vawn nun reng ṭul a tih thu Gogoi chuan a sawi bawk.

Basit chuan Assam leh Pakistan-in sumdawnna leh hnam ziarang lan tirna hmanga intlawh tawnna neih a duh thu a hrilh a ni.