Assam in MHA-ah mi hrente chhuah turin ngen

Assam sorkar chuan tun-hnai khan Ministry of Home Affairs (MHA) hnenah lehkha thawnin, Assam ram chhunga hren mek Myanmar mite chu inbiakna hmanga chhuahtir dan zawng turin a ngen.

State sorkar chuan Mi-nistry of External Affairs-te nen ṭangtlanga hmalak ṭul an tih thu leh, hun rei tak aṭanga Myanmar mi, thil sual avanga hren hrante hi zirchianga hmalak theih an duh thu an thlen bawk.

MEA chuan he thil hi Myn-mar sorkar nen an sawidun tawh niin a sawi.

Assam Home department-in MHA hnena ziaka an thlenah hian Myanmar mi 28, Rohingya Muslims raltlante pawh an tel. Heng zingah hian hmeichhia leh naupang an tel. Hmeichhia leh naupangte hi Kokrajhar-a hren hranna hmunah dah an ni.

Assam Police chuan heng hren hrante hming leh an nunphung chhinchhiahnate chu Home department-ah an thehluh tawh thu an sawi bawk.

Myanmar mi hren 28-te hi Goalpara, Kokrajhar leh Silchar-a man an nih hnuah Tezpur ah khungkhawm an ni tawh. Assam hian hrenhranna hmun paruk, Goalpara, Ko-krajhar, Silchar,Tezpur, Dibrugarh leh Jorhat ah an nei.