Rajya Sabha aiawhte'n Manipur tlawh dawn

Rajya Sabha MP Bhubaneswar Kalita kaihhruai member pariat awmna Committee of Petitions of Rajya Sabha chuan vawiin hian Manipur an tlawh dawn.

Committee of Peti-tions hian Manipur sor-karin DONER kaltlanga Non-lapsable Central Pool of Resources (NLCPR) sum an hman dan dik lote tihbo a nih theih dan tur an zirchiang dawn. NLCPR hnuaia hnathawhte hi ṭha zawk leh langtlang zawka kalpui a nih theihna tur inkaihhruaina duan an tum bawk.

Committee hian sum pekchhuah kawnga harsatna awm ṭhin enfiah a, langtlang zawk leh sorkar laipui aṭanga phalna hmuh tlai ṭhin dan te an zirchiang ang. Sorkar laipui aṭanga phalna pek tlai chhan te, hnathawh hun laia state sorkar leh a thawktuten harsatna an tawhte pawh an zir dawn.

Manipur sorkara helam changtu officer-te leh hnathawh vil tura lakte nen inrawn khawm-in, NLPCR hna-thawh kalpui mek te pawh an enfiah ang. Union minister of health and family welfare Jagat Prakash chuan Zirtawpni khan Manipur a thleng a, Inrinni khan RIMS damdawi in a tlawh.