Intluktlanna duhin mi sangtelin kawng zawh

Manipur-a hnam hrang hrangte chuan kar kalta Inrinni khan United Committee Manipur (UCM), All Manipur United Clubs Organi-sation(AMUCO) leh Committee on Civil Society Kang-leipak(CCSK) huaihawtin state chhunga intluktlanna duhin kawngzawh runpui an nei.

Kawngzawh ho hi Khuman Lampak hmunah pungkhawmin, hnam hrang hrang aiawhten thu an sawi. Thusawitu zawng zawngin Manipur inhlawmkhawmna ṭha nei turin hnam hrang hrangte dawmkan an ngaih thu an sawi.

He kawngzawhin a tum ber chu Manipur inzawmkhawmna leh mipuite thawhhona tihchak a, Manipur lungrualna vawnhim a nih thu UCM President Johnson Elangbam chuan a sawi. Kawngzawhtute hian Manipur tlang rama chengte leh phaia chengte ṭhenhrang zawnga hma la zui lo turin sorkar laipui an phut bawk.