Meghalaya bomb puakah police pahnih hliam

Meghalaya-a South Garo Hills district-ah kar kalta Zir-tawpni khan Garo hel pawlin improvised explosive device (IED) bomb an tipuak a, Megha-laya police pahnih-in hliam an tuar. Hliam tuarte hi damdawi inah dahluh nghal an ni.

Hliam tuarte hi Robert Nonglait leh Tennyson Ch. Marak an ni. Garo National Liberation Army (GNLA) he hian Jadigittim kawng sira bawlhlawh bawmah IED hi an phum nia hriat a ni. South Garo Hills-a district headquarter Baghmara-ah police bungrua thlengthar te, bus aṭanga hlangthla tura an inbuatsaih laiin bomb hi a puak a ni.

Police thuneitute chuan helai biala GNLA mite nawrchhuah hna an kalpui mek tih an sawi.

Bomb tipuaktute zinga pakhat chu Rakkam niin, GNLA silai kenga an hotu pakhat Sohan D. Shira thupeka ti an nih thu a sawi.

GNLA helpawl hi Meghalaya khawthlang lam, Garo mite chen tamna biala Garoland din duhtu an ni. An hotupa hi police officer hna chelh ṭhin Champion R. Sangma niin, kum 2012 khan Bangladesh ramriah manin Shillong lung inah khung a ni ta reng a ni.