Nagaland Medical College hmasa ber hawng

Union Health Minister Mansukh Mandaviya chuan Nagaland-a medical college hmasa ber, Nagaland Institute of Medical Sciences and Research (NIMSR), Kohima-a mi chu a hawng.

Mandaviya chuan NIMSR chu medical college mai ni loin, research tihna tur pawh a nih tel thu a sawi a, Nagaland mipuite tana medical lam zirna kawnga a puih dawn mai bakah Nagaland mipuite tan an hriselna leh an taksa lama harsatna hrang hrangte puitu a ni thei dawn a ni, tiin a sawi. Nagaland chief minister Neiphiu Rio pawhin medical college hawn a ni ta chu Nagaland mipuite tan chhinchhiah tlak leh an beisei ṭhin tihpuitlinna a ni tiin a sawi ve bawk.

NIMSR hi Nagaland University hnuaia awm a ni a, April khan National Medical Commission (NMC) phalnain academic year 2023-2024 atan MBBS zirlai 100 lakna turin admission pek chhuah tawh a ni. Health ministry thuchhuahin a tarlan danin MBBS zirlai hi Nagaland state mi 85 lak niin, All-India aṭangin seat paruk pek a ni bawk.