Manipur martar pakuate Feb 13 ah phum dawn

Kum 2015, August 31-a Manipur Assembly in bill pathum a pass duhlohna lantir avanga thi, tlangmi pakuate chu February 13, Inrinni hian vuiliam an ni dawn. He thutlukna hi UPF leh KNO huaihawt inrawn khawmna KKL complex Churachandpur-a neiha siam a ni..

Churachandpur-a inrawn khawmna neihah hian bill pass tak pathumte dodaltu pawl JAC, JPO leh Innpis te an tel. Tlangmi hnam hrang hrangte aiawh inhlawmkhawm pawl UPF leh KNO aiawhte chuan nunna chan chhungte hi sorkarin z^ngnadawmna pek a rem tih vangin vui liam mai an rawt ta a ni. Nunna chan bakah hian hliam tuarte pawh z^ngnadawmna pek an ni dawn a, martarte phumna tur Martar Park pawh sorkarin siam a remti niin an sawi.

Buaina thleng avanga tuar zawng zawngte emaw an chhung khatte emaw chu sorkar hna pek an ni dawn niin pawl hrang hrang aiawh kalkhawmte hian an sawi. JAC leh JPO te sum hmanral dan pawh enfel vek a, martarte phumna senso leh ṭul zawng zawng an kuta awm turin an tifel bawk.