Tripura-ah danloa lut ru an awm lo - Sarkar

Tripura Chief Minister Manik Sarkar chuan, Tripura ram chhungah ramdang mi dan loa lutru an awm loh thu leh hetiang harsatna an tawh loh thu Thawhleh ni khan a sawi.

CM Sarkar chuan an ram chhungah Bangladesh atanga dan loa lut an awm nia sawi chu thubelh chian dawllo leh an thenawm ram Bangladesh nen an inkar tih chhiat tumna mai a ni thu a sawi a ni. Dan loa ramdang atanga Tripura luh hi an ram mipui pawhin an rem tingai dawnlo a ni a ti bawk.

'Tripura sorkar chuan dan loa Bangladesh atanga an ram chhunga lut hriat leh chhinchhiah an neih loh thu census report-ah chiang taka a lang niin a sawi a.Tun hnaiah Tripura leh Bangladesh chuan inlaichinna tha zawk siamin, insumdawn tawnna te, inkalpawhna pawh siam mek zel a ni, mahse hei hian nghawng a neih kan hre rih lo' tiin Manik Sarkar chuan a sawi. Agartala leh Akhaura inkal pawhna rel kawng siam zawh a nih thuai a beisei thu leh tui hmanga inkal pawhna pawh siam siam a la nih tur thu a sawi.