Nagaland hmeithaite India ram fanpui

International Day of Rural Women pualin Pathianni khan Nagaland, Phek district-a hmeithaite tan Assam Rifles chuan National Integration Tour (NIT) buatsaihin an vai liam. Nagaland-a Mothers and Widows Association aṭanga hmeichhe 16 thlan chhuahte chuan New Delhi leh Agra te an fang dawn a ni.

Assam Rifles official-te thuchhuahin a tarlan danin, hmeithaite tana India ram fanpui hian a tum ber chu nute tana North-east piah lam khawvel hmuhpui leh, ram chhunga hmun ropui leh chhinchhiahtlak tak tak kan neih, kan ram tana thil pawimawh leh hmun pawimawh tak takte hmuhtir a nih thu an sawi. He tour kaltlang hian ram chhunga mi pawimawh tak tak kawmin, India tana hmun hlu, India Gate, National War memorial, Red Fort, Taj Mahal leh hmun dangte fanpui an ni ang.