'Vision Document 2030' tlangzarh

Assam Chief Minister Tarun Gogoi chuan February ni 10 khan Administrative Staff College Guwahati-ah 'Vision Assam 2030’a tlangzarh. United Nations'-in hmalakna tur a duan 17 Sustianable Development Goals, kalpui mekah Assam chu khawvela 'Vision Document for 2030' kalpui hmasa ber state a ni ta a ni.

UN kaihhruaina hnuaiah hian 17 SDGs duan a ni a, hengte hi kum 15 lo la awm tur atana tihhlawhtlin turin hma-chhawp hi siam a ni. He hmalakna hian mi chan ai chhuhsak, mirethei leh hausa inkar zau lutuk vente leh mipui himnate chu a ngaihpawimawh hle. Heng bakah hian state chhunga retheihna leh eitur nei loh avanga thihna tihrem a nih theih nante, naupang ten zirna in an rah ngeina turte leh hmeichhia te chu mipa te nen intluktlanga awm tir te chu a tum ber a ni.

UN’s Secretary General special adviser, Prof Jaffrey David Sachs chuan,''Vision Assam 2030’ tlangzarh a ni chu mellung pawimawh tak a nih thu sawi turin ka lo kal a ni" a ti. He vision a hlawhtlin theih nana theih tawp chhuah tur leh midangte entawn tlak ni turin Assam state mipui a chah.