Assam in Water Supply Project duangchhuak

Assam sorkar chuan khawpuia chengte hnena tui thianghlim pek an nih theihna tur Water Supply Project a duang chhuak.

Tun dinhmunah Guwahati Municipal Corporation (GMC), Guwahati Urban Water Supply and Sewerage Board (AUWSSB) leh Public Health Engineering Department (PHED) chuan Guwahati khawpuia chengte tan tui an supply mek a ni. Hei hian khawpuia chengte mamawh a phuhru tawk lo nia hriat a nih vangin sorkar chuan project thar pali a duang thar. Asian Development Bank aṭanga sum puk hmangin khawpuia chengte pekna tur tui lak hna hi kalpui a ni dawn.

Heng ruahmanna tharte hian khawpuia chengte hnenah darkar 24 chhung tui hniang-hnar pek a tum mai ni loin, kum 2040 a khawvel pum huap pawha zahpui awmlo tui-thianghlim pek leh tuiluankawr siam chu a tum ber a ni.