Sikkim-ah National Organic Farming Research Institute din dawn
Damdawi siamchawp leiṭha hmanga enkawl thlai thar chhuah a nih zel theih nan leh zirchianna tur National Organic Farming Research Institute (NOFRI) chu Sikkim-ah din a ni dawn.
Sikkim hi kumin hian India rama hmasa ber ni turin 'organic state' ah puan a ni a, lo neihna hmun hectares 75,000 zau chu kumhlun chi thlai chinga eizawn nan an let a ni.
NOFRI hian thlai thar hlawk zawk, thar chhuak ṭha zawk, thing leh mau tichereu si lo, mumal zawk leh rintlak zawka thar chhuah a nih theih nan zirchianna a kalpui dawn a ni. Chubakah ram chhunga organic farming thehlar nan te 'vocational and advanced training' an buatsaih ṭhin ang.